احتمال اشتري بورش بانميرا 2011s4 وابي مشوره

البورش من أفضل السيارات عالميا في بلة عدد الاستدعاءات والمشاكل ..ولايخرب ولايتعطل بك فجأة لسبب واحد بعد الله سبحانه
مضختين بنزين
حساسين كرنك
.....الخ وغيرها تأتي مزدوجا في البورش وهذي سبب قلة توقفه في الطرقات

أهم شئ التيربو حافظ عليه وامورك تمام بإذن الله

التيربو احافظ عليه يعني قصدك ماسرع مقاومات وكذا

قطعها غاليه واذذا راتبك اقل من ١٥ لا تاخذذها

ياذيب دامك ماخذها من الوكاله في لها ضمان مع صيانه مجانيه لخمس او ثلاث سنين
الله يوفقك

اذا كان عندك على قولتك اودي A8 اجل ماتفرق شيء لانها بالنهاية كلها الماني + خذها بعقد صيانة وتامين شامل

و من هنا لين 5 سنوات قدام منت مسوي فيها شيء من جيبك... و صلى الله وبارك 

أسمع و أنا أخوك 

السيارة ماركة عالمية و ما يحتاج و الخيل تعرف من أقيامها 

إذا أنت مقتدر مادياً توكل على الله و أفحص لكن في مركز متخصص أو في الوكالة

إذا أنت من النوع اللي يقدر الكشخة و هو موظف في البلدية براتب ٦ ألاف أنحش

البورش خذها جديدة و ارمها إذا أنتهى ضمانها

حتى و لو كانت شبه جديدة و سعرها مغري لأن وكيلها يعلق ويقصب بسكين خضرة

والله اخوي سيارات هذي حضوض اذا استخدامك دفش عليك بتويوتا فوردد هواندي 

اذا استخداك لها محافضه وخطوط  وتمشي على مهلك فاخذها سيارات هذي سبحان الله تركدك زي اخبر اخوي معه جمس قديم وسواقته دفاشه 

 اليوم اشترا بانوراما 2010 صارت رجله خفيفه على دعسه  ومحافض عليها  البورش باناميرا دام انها جديده  فاامورك طيبه لنها بتجلس معك 5 سنوات موتر الجديد ماينخاف عليه يكرف لحد 5 سنوات وبعدها يبدا يطلب واذا بتاخذها مستخدمه احسب حسابك ميزانيه لنك ماتدري عن صاحبها الاول بتوفيق 

شكرآ للجميع انا سواقتي عاديه ماني حق سرعه ولا موسوسه محافظه طبيعي
لكن الزبده يمكن اكرفها دواام وتمشيه فقط لاكن سرعه وخرابيط لا والله
بعدين موديل السياره2011 
انا كل همي القطع غاليه مرررره ولا قريبه من البي ام وﻷودي.
بنسبه ﻷخي الكريم الي يقول راتبك اقل من15لا تخذها حتى لو راتبي فوق15 محد يبي قطع غاليه ومبالغ فيها
.وشكرالجميع ونتظر رايكم ﻷهل الخبره وفقكم الله

اذا بتاخذها لابد من الضمان لانها بدون ضمان راح تحصل سعرها نازل مره .. والاالماني كله بدون ضمان ينزل سعره كثير لكن مع الضمان سعره ثابت

اخوي السياره للأسف من واقع تجربه ولأكثر من سياره
مساعداتها ضعيفه وتخرب بسرعه
ازعاج بأصوات الطقطقه خصوصاً لا مشت ٤٠الف وفوق
قطعها نار 
اذا معزم خذ على الضمان احسن لك

والله بديت اهون منها...........
متردد شكلي بقعد على موتري احسن BMW2010
ولو شريته بعطيكم خبر وفقكم الله حبايبي