تسخين السياره وغيار زيت المحرك

شخصيا اشغل سيارتي واخليها تحمى قبل صلاة الفجر
اغير الزيت كل 3000 كيلو
السيفون اغيره مرة بعد مرة يعني مو في كل عملية تغيير زيت
وفلتر الهوا بعد 4 تغيرات

قد تتفقو معي او تختلفو

لكن تظل السيارة ملك لصاحبها وتوفير الراحة للسيارة لا يتقنه الا راعيها

طال عمرك عندي رقعه قماش اشغل السيارة الصبح واجلس المع الطبلون لين تسخن السيارة
ومن ناحيه الزيت اغير كل 5 الاف مع السيفون
كنت اغير علي 8الاف مع السيفون بس حسيته مو زين للمكينه
لك لايك

اخوي تفضل على موضوعي تلقى فيه جوابك بالكامل على الرابط التالي

http://montada.haraj.com.sa/28581/00-%D9%86%D8%B5%D8%A7%D8%A6%D8%AD-%D9%88-%D9%85%D8%B9%D9%84%D9%88%D9%85%D8%A7%D8%AA-%D9%85%D9%81%D9%8A%D8%AF%D8%A9-%D8%AC%D8%AF%D8%A7---%D8%A5%D9%87%D8%AF%D8%A7%D8%A1-%D9%84%D8%AC%D9%85%D9%8A%D8%B9-%D8%A7%D9%84%D8%A3%D8%B9%D8%B6%D8%A7%D8%A1---%D9%8A%D9%88%D8%AC%D8%AF-%D8%B5%D9%88%D8%B1-00/

تقبل مروري

+ لايك **********

+ لايك **********

نعم انا أسخن سيارتي ،،،،،، ( والا أعتمد ع بعض كلام الفلاسفة بالمنتديــات )،

لانها اذا خربت ومأكد تخرب قبل وقتها ، محد بنفعني أو يدفع عني ما اجرمت يـــــداااي
الزيت ع حسب الزيت في شركات 5000 وفي 10000 وانت أختر المناسب لك ، ولو حددت سيارتك يفيدوك الي يملكوا مثلها في الصيانة والاشياء الي ماتعرفها
بالتوفيق

انا اسخن السياره والزيت اغيره كل 3000 او 5000 

والسيفون مع كل تغيره اغيره 

احمي السياره 3 دقايق او 5 اذا مطوله واقفه

اما اذا كانت حاميه اشغلها وانتظر نص دقيقه وحوله وامشي عشان تتزيت

والزيت كل 7 الاف والسيفون كل ثلاث تغييرات وفلتر الهواء كل 6 اشهر وزياده
^__^

ما أسخن سيارتي - ادق سلف وبعد نصف دقيقة اعشق وأمشي

الزيت دائما آخذ سيفون أصلي من قطع الغيار واشتري زيت بالكرتون واغير الزيت والسيفون كل 5000 كم والحمد لله 

طيب بالنسبه للشباب اللي يقول نعم اسخنها ممكن تعطينا ايش الهدف من ذالك للافاده

الهدف ان الزيت يكون راكد أسفل المكينة في الكارتير الي فيه السرة حق تفريغ الزيت
وعند تشغيل المكينة تقوم طرمبة الزيت بسحب الزيت من الكارتير ودفعه الي جميع اجزارء المكينة وتزييتها وتقليل عملية الاحتكاك ، الي تسبب ارتفاع في حرارة المكينة وتسهل عمل البساتم بحكم ، انها الجزء المتحرك داخل المكينة
وعمليت التسخين مطلوبة لان المكينة ليست قطعه الكترونية سريعة التجاوب
واذا كانت المكينة جديدة تكون نوعا ما متجاوبة وهذا التجاوب لان يستمر طويلاً ، لانه يكون غصب عنها ومع الاستمرار تعلن المكينة اعطالها

حاظرين للاي استفسار لـــطيبين .. تحياتي

طيب يا اخ عزيز عندي كامري تماتيك 2008 في نتعه بالغير 3 و4 اللي يقول كلتش واللي يقول حساس وعيار زيت الغير كويس ممكن تقول وش المشكله لو كانت عندك الخبره الكافيه ...

اخوي اي سيارة في العالم فيها نظام تسخين ذاتي
شغل السياره بالصباح وشوف عداد الضغط راح يكون مرتفع نسبيا انتظر لين ينزل العداد لوضعه الطبيعي وصوت السيارة يهداء وبعدها حرك"والافضل انك ماتسرع مباشرة"خل تسارعك بشويش

افضل نوع من انواع الزيوت في جميع الفصول "هو الزويت التخلقية" synthiatic oil " اسئل عنها راح تزيد من عمر المحرك وتقلل الاحتكاك
ودايما اقرا الكتالوج ايش مناسب لسيارتك لا تعتمد على كلام احد حط زي بعضهم يقولك حط زيت ثقيل عشان الحر او من هالخرابيط
اطلب الزيت نفس الكتالوج وبس
واهم شي زيت تخلقي وليس صناعي
افضل الزيوت هي
1- pertomin A1
2-زيت صناعته بلجيكية وهو الافضل عندي اسمه havolin افضل زيت تخلقي
3- زيت mobil1 تخلقي بس عيبه يجي 0W40 اذا ماكينة سيارتك مكتوب الرقم 40 استخدم هالزيت
4- زيوت كاسترول ماقناتيك
فقط

أسف مــا اقدر أفيدك بشكل دقيييق
النتعة تأخير التعشيق حرارة القير والامور المتعلقه بالقير تعتبر مفــاجأت لانها مرتبط مع بعض ، لان حساس ممكن يخلي القير يختل عقلة ، ونقص الزيت ، واحتراق بعض الكلاتشات
لازم "الكشف" كامل ع القير
وهنا الله يعينك ع الافتــاء ع راسك من الورش بس انت اسأل عند اكثر من واحد الين يتفقوا العلماء ع تحديد العلة .

سخنها 10 ثواني وامش بهدوء حتى يرتفع امبير حرارة الرديتر بعدين امش طبيعي،
بعض السيارات الرياضية الأفضل تسخينها من من 10-25 دقيقة بسبب تصميم المحرك المختلف، مثل البورش 911 والكايمن

كم علبه البورش الكاين اس ٢٠١٢