لقيت بورش كايين بهذا السعر

نصيحة مني السيارات من هذة النوعية اذا ما تقدر تاخذ جديد لاتاخذ مستعمل

اذا تقدر على صيانتها وتحافظ عليها وتقدر على قطع غيارها توكل على الله
بالتوفيق

وعليكم السلام ورحمة الله وبركاته .. 

مثل ماقالوا لك الشباب وأعتبرها نصيحه , ولكن باين من موضوعك إنك خلاص نويت تشتري وصملت .. 

ع العموم اذا كلها نفس اللون ونفس النظافه من داخليه وجير ومكينه توكل على الله خذ اللي ماشيه 112000 الف .. 

توفر 5000 الاف , ماتفرق 2000 كيلوا , ولكن يفرق 5000 الاف ريال , وانت قارن بينها وتوكل على الله ...... 

بالتوفيق .. 

اخوي  شف الاسعار بالامارات وما تصدق وكل الصيانة بالوكالة 

صيانه دوريه للكايين يكلفك ٧ الاف ريال زيوت وفلاتر وغيرها 

فمابالك لو اعطال كم بيخسرك

نصيحه ابعد عنه ياتشتري جديد ياابعد قطع غياره بسعر الجديد

كانك تبي الراحه وتبعد عن الصناعية اترك عنك المواتر ذي خربات ودبلت تسبد 
خذ لك موتر اصفار بفلوسك افضل من الصناعية.

لو فيها خير ما لقيت ٢٠٠٩ ب ١٣٠ و هي جديدة ٤٠٠ ألف

البورش عله في الصيانه بس لو راتبك عالي اتوكل على الله بس والله بتعذبك بالصيانه بس اهم شي تكون رجلك خفيفه على السياره و انشاء الله ما تعذبك بالصيانه 

والله اخوي  بيشغلك بالورش وانت ممنت فاضي للسوالف 

بسعرها يمديك تطلع جنسس اصفار

مثل ماقالوو الاخوان صيانتها غاليه جدا واحد من معارفي معاه كيان كلفت عليه الصيانة فوق 10 الاف كنت افكر أخذ 2006 او 2007 لكن كنسلت الفكرة لان صيانتها نار اذا انت تحافظ وقادر على اسعار صيانها خذا 
يالتوفييقت

******بالتوفيق 

إخواني انا قادر على الصيانة وقلت بدل ما أخذ جديدة بمبلغ وقدره أوفر وأخذ ٢٠٠٩ لان شكلها عاجبني بد

والأخ صوت العزاوي صادق تو دخلت قطر سيل والأسعار افضل و شكل السيارات أنظف شكلي بأخذ من قطر ان الله كتب

مشكورين جميعا وما قصرتوا

دامك تقدر على الصيانه
معناه تقدر على الجديد
شف يالغالي السيارات الفخمه جديده اسعارها نار 
بس المستعمل تلقى سعره تحت مره 
نصيحتي خذ جديد ﻻن الفخم حساس و المستعمل ماتدري وش فيه
لو يخرب عليك كمبيوتر او حساس صدقني تكره نفسك
و بقيمة التصليح بتجيب جديد 
حتى لو اقساط عطهم دفعه من اللي معك بس خذ اصفار
هاذي قاعدتي بالسيارات الفخمه

والله يوفقك